kya khoya kya paya jag mein
milte aur bichhadte mag(world) mein

mujhe kisi se nahin shiqaayat
yadyapi chhala(cheated) gaya pag pag mein

ek drishti beeti par daalen
yaadon ki potali tatolen

apne hi mann se kuchh bolen
prathvi laakhon varsh puraani

jeevan ek anant kahaani
par tan ki apni seemayen

yadyapi sau sharadon ki vaani
itna kaafi hai antim dastak
par Khud darvaza kholen

apne hi mann se kuchh bolen

janam maran kaa avirat(continuous) phera
jeevan banjaaron kaa deraa

aaj yahan kal kahan kuch hai
kaun janata kidhar savera

andhiyara aakash aseemit
praanon ke pankhon ko taulen

apne hi mann se kuch bolen

Submitted by Anish